Oxirgi uchrashuvini ikki yil avval o'tkazgan Karius Angliya liga kubogi finalida maydonga tushirildi
27 fev 2023 01:17
Yangiliklar

Oxirgi uchrashuvini ikki yil avval o'tkazgan Karius Angliya liga kubogi finalida maydonga tushirildi

Loris Karius ikki yildan so'ng ilk bor maydonga tushdi.

"Nyukasl" darvozaboni "Manchester Yunayted"ga qarshi Angliya liga kubogi finalida asosiy tarkibdan joy oldi.

SHu tariqa, nemis futbolchisi 2021 yilning 28 fevralidan beri ilk bor rasmiy o'yinda maydonga tushadi – o'shanda Loris “Union Berlin” safida “Xoffenxaym”ga (1:0) qarshi bahsda ishtirok etgandi. SHundan beri oradan 728 kun u maydon yuzini ko'rmadi.

Karius "Nyukasl"ning birinchi va ikkinchi darvozaboni yo'qligi uchun asosiy tarkibdan joy egalladi, Nik Pope diskvalifikacion jazoni o'tamoqda, Martin Dubravka esa ushbu Liga kubogida "Manchester Yunayted" safida maydonga tushgan, shu sababli u ham maydonga tusha olmadi.

Mazkur bahsda "Manchester Yunayted" vakillari Karius darvozasiga javobsiz ikkita to'p kiritib, liga kubogi sohibiga aylandi.

Havola :

Yangiliklarni Telegramda o'qing!

Reyting: +3