Otabek SHukurov: "Yutqazmaydigan raqibning o'zi yo'q"

"Turkiyaga yozda bordim. CHempionatga moslashish uchun baribir malum vaqt kerak bo'ldi. Ishlashda, mehnat qilishda davom etyapmiz. O'z o'rnimni topishga harakat qilmoqdaman. Terma jamoaga kelsak, Osiyo kubogiga munosib tayyorgarlik ko'rish uchun yaxshi terma jamoalar bilan o'rtoqlik o'yinlari o'tkazishimiz kerak. Ikkinchi o'yinga yaxshi kayfiyatda hozirlik ko'rmoqdamiz",- deydi Otabek SHukurov. 

- Rossiya Tojikiston bilan durang o'ynadi. Ular biz bilan qanday o'yin ko'rsatishi mumkin?

- Mashg'ulotga kelayotganimda Championat.asia saytida Valeriy Karpinning biz bilan o'yin borasidagi fikrlarini o'qidim. Qanday bo'lishidan qatiy nazar, biz o'z o'yinimiz ustida ishlashimiz kerak. Muxlislar ko'z o'ngida g'alaba uchun to'p tepamiz. O'zbekistonda hozir mavsum yakunlangan. Biz yutuq orqali yilni munosib tugatmoqchimiz. 

- Qozog'iston o'sha kuni chindan xam bizdan kuchsiz edimi?

- Aniq ayta olmayman. Qandaydir faktlar bo'lishi mumkin. CHunki maydonda ikki jamoada ham 11ta futbolchi o'ynaydi. Yaxshi tayyorgarlik ko'rgan, taktik jihatdan to'g'ri yo'nalish tanlagan jamoa g'alaba qozonadi. Futbolda yutqazmaydigan jamoa yo'q.