Otabek Narzullaev: Oxirgi daqiqalarda mag'lub bo'lish alamli

- O'yin keskin va shiddatli o'tishini avvaldan bilardik, - deydi Otabek. - O'tgan turda Qo'qonda qozonilgan yirik g'alaba jamoadoshlarim kuchiga kuch qo'shishi lozim edi. Afsuski, navbatdagi o'yinda buning aksi bo'ldi, deb o'ylayman. Deyarli teng kurashlar ostida kechgan bahsda mag'lubiyatga uchradik. Oxirgi daqiqalarda mag'lub bo'lish juda alamli, albatta.

Bu - futbol! Unda hech kim mag'lubiyatdan kafolatlanmagan. Bizni har bir uchrashuvda ishonch bilan qo'llab-quvvatlayotgan ko'psonli navoiylik muxlislarga jamoadoshlarim nomidan rahmat aytaman. CHempionatning asosiy o'yinlari hali oldinda turibdi. Ularda o'z ishqibozlarimizni xursand qilib, boy berilgan ochkolar o'rnini qoplashga harakat qilamiz.

Qizilqum PFK Matbuot xizmati.