O'sha gap! O'zbekiston tengdir O'zbekistonga, yoxud Nasafning bugungi o'yini haqida

 Xo'sh, Berdiev jamoasini muhtasham “Al Janub” stadionida nimalar kutmoqda? Pastda shu haqda.

 O'zbekiston tengdir O'zbekistonga.

Ayni paytda Saudiya ligasi qitamizning birinchi raqamli milliy chempionati hisoblanadi. 2030 yilgi mundial mezbonligini qo'lga kiritishga jiddiy kirishgan arablar milliy chempionatlarini ham sezilarli darajada o'stirishdi. Ronalduning “Al Nassr”ga o'tishi bunga yorqin dalil. Amaldagi Osiyo chempioni “Al Hilol”ning klublar o'rtasidagi JCHdagi ishtiroki Saudiya jamoalarining bugungi holatini baholashga imkon beradi. Bilasiz, “Al Hilol” finalda “Real Madrid”ga 3-5 hisobida mag'lub bo'ldi. «Nasaf»ning bugungi raqibi Saudiya chempionati turnir jadvalida peshqadam “Al Nassr” va ikkinchi o'rinda borayotgan “Al Ittihod” bilan bir xil 40 ochkodan to'plab gollar nisbatiga ko'ra 3-pog'onada bormoqda. O'zbekiston tengdir O'zbekistonga. O'sha mashhur iborani futbolga qanday aloqasi bor dersiz? Aloqasi bor albatta. Superligamizning ayni darajasi Saudiya ligasi bilan qay darajada raqobatlasha oladi? Savol shu joyda javobini topadi «Superligamiz» tengdir superligamizga. SHunday, «Nasaf» bugun o'zidan 4 barobar qimmat shu bilan birga saviyali jamoaga qarshi o'ynaydi.

Raqibning ojiz nuqtalari.

CHiziqlarda balansning yo'qligi aksar arab jamoalari uchun odatiy hol. “Al SHabab” ham bundan mustasno emas. Asosiy legionerlar yarim himoya va hujum chizig'ida harakatlanadi. Himoya qo'rg'oni esa mahalliy futbolchilardan tuzilgan. SHuning uchun ham jamoa so'nggi 5 ta o'yinda 5 bor gol o'tkazib yuborgan. Koreyalik posbon Sin Gyu Kim ham ayni paytda yaxshi formada emas. SHuning uchun bugungi o'yinda Berdiev shogirdlari asosiy vaqtlarini raqib tomonda o'tkazsalar ijobiy natijaga umid qilsa bo'ladi.

Taxminiy o'yin kartinasi.

Jamoaviy o'yin, aynan shu faktor yurtdoshlarimiz foydasiga ishlash ehtimoli yuqori. O'yin Qatarda tashkillashtirilayotganligini etiborga olsak «SHabab» mezbon jamoadek harakat qiladi. Bugun «Nasaf» himoya qo'rg'oni o'ng qanoti katta bosim ostida qoladi. Raqib chap qanoti vakillari Ever Banega va Karlos Junior tandemi oldingi o'yinlarda ajoyib harakat qilgan, ustiga ustak polshalik tajribali va universal futbolchi Gjegoj Krixovyak ham ularga sherik bo'lishi kutilmoqda. So'nggi yillarda qarshiliklarning o'ng qanot himoyasida doimiy tarzda harakatlanib kelgan Dilshod Saitovning yo'qligi jamoa zarariga ishlamasa bo'lgani. Bahs «Nasaf»ning yangi mavsumdagi ilk rasmiy o'yini bo'lganligi uchun jamoa bugun qanday harakatlanishini taxmin qilish qiyin. Yangi  qo'shilganlar Javohir Siddiqov va SHuhrat Muhammadiev o'yin sxemasiga singib ketishsa, qarshiliklardan siz va biz tanigan hujumkor va to'p nazoratiga asoslangan o'yin uslubini ko'rsak kerak.

O'yin bizning vaqt bilan 23:00 da start oladi.

Jaloliddin Xalilov.