O'rtoqlik uchrashuvi: "Navbahor" - "Dinamo" 2:2

Samarqandliklarga qarshi uchrashuvda Toshkentdagi yig'inda “Navbahor” mashg'ulotlariga qo'shilgan yarim himoyachi Alibobo Rahmatullaev ham maydonga tushdi. “Bunyodkor” jamoasidagi faoliyati orqali muxlislarimizga yaxshi tanish bo'lgan futbolchi mavsum birinchi yarmini “Buxoro”da o'tkazgandi.

SHuningdek, mazkur bahsda birinchi davrani diskvalifikaciya tufayli o'tkazib yuborgan himoyachimiz Tohir SHamsiddinov ham harakat qildi. Jarohat sabab birinchi davraning asosiy qismini o'tkazib yuborgan himoyachi Rahmatillo Berdimurodovni ham maydonga qaytganligini aytib o'tish joiz.

Uchrashuv davomida har ikki jamoa azolari ham munosib tarzda to'p surishga intilishdi. Samarqandliklar uchrashuv birinchi bo'limda ikki marta zafar quchib oldinga chiqib olishgandi. Ammo, tanaffusga qadar futbolchilarimiz qisqa muddat ichida o'rtadagi muvozanatni tiklashga erishishdi. Dastlab Robbim Hasanov qanotdan oshirib berilgan to'pni darvozaga boshi bilan yo'llab hisobdagi farqni qisqartirdi. Oradan hech qancha vaqt o'tmay endi SHahboz Erkinov Tohir SHamsiddinovning uzatgan to'pini golga aylantira oldi.

Tanaffusdan keyin jamoalar maydonda tengma-teng o'yin ko'rsatishdi. Ketma-ket hujumlar tashkil etilgan bo'lsada, gol urish hech kimga nasib etmadi. Natijada o'yin 2:2 hisobidagi durang bilan yakun topdi. Jamoamiz navbatdagi nazorat urashuvini 26 iyul kuni G'uzorning “SHo'rtan” klubiga qarshi o'tkazadi.

"Navbahor" - "Dinamo" 2:2
Gollar: SHaxboz Erkinov, Robbim Hasanov - Hamdamov, Magerramov
Uchrashuvda "Navbahor" tarkibi quyidagicha bo'ldi: Akmal Ortiqov, Alisher Samatov, Bobir Akbarov, Azim Ahmedov, Robbim Hasanov, Dilshod Jabborov, Tohir SHamsiddinov (Rahmatillo Berdimurodov), Ilhom Boydedaev, Alisher Mahmudov (G'ayrat Jo'raev), SHahboz Erkinov, Alibobo Rahmatullaev (Navro'z Alimov).