O'rtoqlik uchrashuvi. "Dinamo" - "Obod" 1:2

Ilhom SHaripov shogirdlari bu safar Toshkentning Obod klubiga qarshi saf tortishdi. Qiziqarli kechgan bahsda mezbon sanalmish Obod jamoasi Dinamoni mag'lub etdi.

Hisobni 26-daqiqada Obod sardori ochgan bo'lsa, oradan besh daqiqa o'tib muvozanat tiklandi. Kuni kecha Dinamoga kelib qo'shilgan hujumchi Abdumalik Abdullaev 31-daqiqada ikkinchi o'yindagi ikkinchi golini urib, hisobdagi farqni yo'qqa chiqardi, 1:1.

O'yin davomida Obod safida SHoxruz Norxonov, Pavel Solominlarda imkoniyat bo'lgan bo'lsa, Dinamochilardan Amirjon Safarov, Abdumalik Abdullaevlarda vaziyatlar bo'ldi.

Ikkinchi bo'lim ham tengkurashlar ostida kechgan bo'lsada, gol urish Obod futbolchilariga nasib etdi. Yarimhimoyachi Sanjar To'raqulov 60-daqiqada gol urib, yakuniy natijani o'rnatdi, 2:1.

Nazorat bahsi. Toshkent. Obod stadioni.

7 fevral (seshanba)

OBOD - DINAMO - 2:1 (1:1)

Gollar: Doniyor Hasanov 26, Sanjar To'raqulov 60 – Abdumalik Abdullaev 31.

Dinamo: Mixail Naumov, Hakimxon Alamxonov, Bunyod Isroilov, Mirkomil Lokaev, Firdavs Abdusalimov, Nurbek Safarov, Iskandar Xolmirzaev, Nodir Mavlonov, Nuriddin Hasanov, Amirjon Safarov, Abdumalik Abdullaev.

Ikkinchi bo'limdan maydonga tushganlar: Rustam Toshturdiev, Komil SHarofutdinov, Temur Fayzullaev, Jonibek Ko'chimov, Asomiddin Mamatov, Ubaydullo Nabiev, Sardor Rasulov, Dilmurod Qodirov.

Eslatib o'tamiz, Dinamo jamoasi navbatdagi uchrashuvni 9 fevral kuni Navoiyning Qizilqum klubiga qarshi o'tkazadi.