Ole-Gunnar Sulsher: "Afsuski, Neymar o'ynamaydi. Muxlislarimiz aynan uni kutishgandi"

Braziliyalik futbolchi jarohati sababli "Manchester Yunayted"ga qarshi o'tadigan ikkala bahsni ham o'tkazib yuboradi.

"U juda-juda yaxshi futbolchi. Muxlislarimiz uni ko'rishni, futbolchilarim esa unga qarshi o'ynashni istashgandi.

Eng yaxshi futbolchilarga qarshi o'ynash haqida men bir narsani bilaman: ular bilan sen o'zingning barcha yaxshi va yomon tomoningni ko'ra olasan.

Yigitlarim Neymarga qarshi o'ynashni qattiq xohlashganiga ishonaman. Ammo unday bo'lmaydi, biroq Kilian Mbappe, Anxel Di Mariya, Edinson Kavani va boshqa futbolchilarni yoddan chiqarib bo'lmaydi. PSJ - ajoyib jamoa va g'alaba uchun barchasiga tayyor", - dedi Sulsher.