OKMK - "Navbahor". Bitta uchrashuvda 7ta gol urilgan oqshomni yodga olamiz

OKMK - "Navbahor" jamoalari tarixidagi eng yirik hisobli o'yin yani bunda bir uchrashuvda darvozalarga 7ta gol urilgan. Hozirgacha o'zaro o'yinlarda darvozalarga bundan ko'p to'p kiritilmagan. 2013 yilgi mavsumning 7-turida Olmaliqdagi "Metallurg" stadionida o'zaro to'qnash kelishgan. Gollar poygasida yakunda "Navbahor" 4:3 hisobida g'alabani ilib ketgan. 

O'sha yili OKMK mavsumni Igor SHkvirin boshchiligida 5 o'rinda tugatgandi. "Navbahor"ni esa Mustafo Bayramov bosh murabbiy sifatida boshlab tushgan va 11 o'rin bilan kifoyalangandi. 

Oliy ligada "Bunyodkor" so'nggi chempionligi va kubogini qo'lga kiritgan. Oleksandr Pishur 19ta gol bilan to'purar bo'lgan. 

O'zbekiston terma jamoasi JCH-2014 saralash bosqichida juda yaxshi ishtirok etgan. Braziliya mundialiga bir ochko yoki bir nechta to'p etmay qolgandi. Alamli lahzalarga boy yil. 

Superligada Sirdaryo sharafini himoya qiluvi "Guliston" quyi ligaga ravona bo'ldi. SHundan beri bu viloyatdan elitada jamoa qatnashgani yo'q. 

Amaldagi chempion "Paxtakor" 3 pog'ona pastlab 4 o'rinni qo'lga kiritgan. 

OKMK - "Navbahor" 3:4

Gollar: SHahboz Erkinov 6, Diyor Turopov 52, Evgeniy Gogol 81 - Akram Bahritdinov 28, 54, Ro'zimboy Ahmedov 67, 70

OKMK: Maqsadmurod SHomurodov, Darko Stanoevich, Evgeniy Gogol, Akmal Rustamov, Doston Abdurahmonov, Zohir Pirimov, Samandar SHodmonov, Sanjar SHoahmedov, SHahboz Erkinov, Zafar Polvonov, SHerali Jo'raev

Zaxira: Diyor Turopov, Mo'ydin Mamazulunov, Isroil Irgashev, Azamat Isroilov, Bahrom Yuldashev, Maruf Murodov, Umidjon Xonimqulov

"Navbahor": Denis Romanenko, Qahramon Muhamadjonov, Jahongir Mehmonov, Timur Sultanov, Abdumajit Toirov, Leonid Koshelev, Ilhom Boydadaev, Akram Bahritdinov, Sobir Hamidov, Ro'zimboy Ahmedov, G'ayrat Jo'raev

Zaxira: Sohib Abdullaev, Azim Ahmedov, Abdulaziz Sultanov, Azam Aliev, Viktor Mochalov, Vitaliy Pachuev, Botir To'raboev