OCHL-2018 pley-off. O'zbek klublari Iordaniya va Qatar jamoalari bilan o'ynaydi

"Osiyo chempionlar ligasida vaziyat shunday: ikki klubimiz pley-offdan boshlaydi. Ikkinchi klubimiz o'z uyida Iordaniyaning "Al Faysali", uchinchi klubimiz Qatarda "Al Garafa"ga qarshi o'ynaydi", - deb yozadi Alisher Nikimbaev tvitterdagi o'z sahifasida.

Eslatib o'tamiz, "Lokomotiv" OCHL-2018ni to'g'ridan-to'g'ri guruh bosqichidan boshlaydi.

Agar O'zbekiston kubogi finalida "Bunyodkor" g'olib bo'lsa "Al Faysali" bilan o'ynaydi va "Nasaf" Qatarga boradi. Agar finalda "Lokomotiv" g'olib bo'lsa "Nasaf" o'z uyida "Al Faysali"ni qabul qiladi va "Paxtakor" "Al Garafa" mehmoni bo'ladi.