OCHL-2018. "Nasaf"ning raqibi Iordaniya kubogi finaliga chiqa olmasligi mumkin
15 dek 2017 14:31
Yangiliklar

OCHL-2018. "Nasaf"ning raqibi Iordaniya kubogi finaliga chiqa olmasligi mumkin

Teglar : OCHL-2018 Al Faysali Iordaniya Nasaf

Kuni kecha Iordaniya kubogi yarim final dastlabki o'yinlari bo'lib o'tdi.

"Nasaf" klubining OCHL-2018 pley-off bosqichidagi raqibi "Al Faysali" klubi ilk o'yinni "Al Jazira"ga qarshi o'z maydonida o'tkazib 0:2 hisobida mag'lub bo'ldi. Javob o'yini 16 dekabr kuni bo'lib o'tadi.

O'tgan yil finalda "Al Faysali" aynan "Al Jazira"ni penaltilar seriyasida mag'lub etib kubok sohibi bo'lgandi. "Al Faysali" 19 marta Iordaniya kubogini qo'lga kiritib bu borada mamlakatda mutloq rekordchi hisoblanadi.

Eslatib o'tamiz, "Nasaf" - "Al Faysali" uchrashuvi 2018 yil 30 yanvar sanasida Qarshida bo'lib o'tadi. Ushbu o'yinda g'olib bo'lgan klub Osiyo chempionlar ligasi "C" guruhidan joy oladi.