"Obod": Mashg'ulotlar tugadi, ertaga o'yin

21 dekabr kuni boshlangan mashg'ulotlarda 25 nafardan ziyod futbolchi ishtirok etdi. O'yinchilar orasida ko'rikdan o'tayotgani ham bor. Xususan, Akmal Tursunboev, SHerzod Jalilov, Anvar Rahimov, Sunnatilla Abdullajonov, Abbos Nabiev, Javlon Iskandarov, Sanjar To'raqulov, Sunnat Ermatov ko'rikda bo'ldi. Mashg'ulotlar reja asosida kuniga bir va ikki mahaldan olib borildi. SHamollab qolgani bois, Anvar Rahimov va SHohruz Norxonov uch kun mashg'ulotlarda ishtirok eta olmadi. Har ikkala futbolchi ham bugun o'tkazilgan so'nggi mashg'ulotlarda safga qo'shilishdi.

Ertaga jamoa azolari ikki tarkibga bo'lingan holda o'zaro uchrashuvda maydonga tushishadi. Bahs "Obod" maydonida bo'lib o'tadi. Bellashuv 10:30da boshlanadi. SHundan so'ng jamoa azolari yangi yil bayrami munosabati bilan qisqa tatilga chiqishadi. Jamoa yanvar oyining 3-sanasidan boshlab tayyorgarlikning ikkinchi bosqichiga kirishadi. Mashg'ulotlar ikki mahaldan olib boriladi.