"Norchaev bo'lmasa, Berdievda boshqa variant bor. U maydonga tushsa "Navbahor"ga qiyin bo'ladi - Bugungi final oldidan mutaxassis fikri
30 okt 2022 13:31
Yangiliklar

"Norchaev bo'lmasa, Berdievda boshqa variant bor. U maydonga tushsa "Navbahor"ga qiyin bo'ladi - Bugungi final oldidan mutaxassis fikri

Teglar : SHuhrat Rahmonqulov O'zbekiston kubogi

Bugun O'zbekiston Coca Cola kubogida "Navbahor" - "Nasaf" jamoalari to'qnash keladi.

Namanganliklar oradan 24 yil o'tib mamlakat kubogining hal qiluvchi bosqichiga etib keldi. 1998 yil "Paxtakor" markaziy stadionida "Neftchi"ga qarshi finalda 2:0 hisobida g'alabani tantana qilgan uchrashuvda "Navbahor"ning gollariga SHuhrat Rahmonqulov va Anvar Soliev mualliflik qilgan edi. Bir necha soatlardan so'ng start oladigan "Navbahor" - "Nasaf" uchrashuvidan oldin taniqlik sobiq futbolchi SHuhrat Rahmonqulov jamoalarning imkoniyatlarini chamaladi va 24 yil avvalgi uchrashuvni yodga oldi.

Navbahor

Doniyor Abdumannopov - 58'

O'zbekiston kubogi . 4-tur

30/10/2022, 17:00

Tugadi

Nasaf

Akmal Mozgovoy - 29', Mateus Lima - 101'

45'

90'

120'

Match-senterda ochish

— Fikrimcha, bugungi finalda yirik hisob qayd etilmaydi. Jamoalar ko'proq ehtiyotkorlikka etibor qaratadi. "Navbahor"da yurtimizning eng tajribali futbolchilar yig'ilgan. "Nasaf"da esa barchasi uyg'unlashgan. Aksariyat futbolchilar akademiyadan birga katta bo'lgan. Lekin tajriba jihatdan har tomonlama ustunlik namanganliklar tomonida. Mutaxassis sifatida teng o'yin bo'lishini balki g'olib ekstra-taym, penaltilar seriyasida aniqlanishini taxmin qilaman.

— Bevosita 1998 yilgi finalga kelsak, bugungidek katta shov-shuvli bo'lmagan. 45 ming tomoshabinni o'z bag'riga sig'dira oladigan "Paxtakor" stadioniga 2,5 ming muxlis kelgan. Bu o'sha vaqt uchun juda kam edi. O'yindan oldin yigitlarga "Neftchi"ni ishonch bilan yutamiz, degandim. Amalda 2ta gol farqi bilan ustun kelgandik. Oddiy o'yin sifatida qabul qilganmiz.

— Husain Norchaev katta yo'qotish. Lekin "Nasaf" bir futbolchiga qarab qoladigan jamoa emas. Buni ko'p bor isbotlagan. Ro'ziqul Berdievda boshqa variantlar borligiga ishonaman. Deylik Lima Kruz uning o'rnini bilintirmasligi mumkin. U maydonga tushsa "Navbahor"ga qiyin. Ikkinchidan esa akademiyadan etishib chiqayotgan yosh futbolchilar bor. Biror yangi nomni ham ko'rarmiz.

— "Navbahor"ning finalga chiqishi, muvaffaqiyatli yurishlari Samvel Babayanning mehnati. Bosh murabbiyning ishi yaqqol ko'rinib turibdi. Jamoada Babayan imzosi bor. OCHLda o'ynaydigan darajaga olib chiqdi. Yana qaerda, Namanganda! Bu erda oson emas. O'ynash ham, ishlash ham qiyin.