Nikola Lazarevich: "O'yin boshida yuzaga kelgan vaziyatlardan foydalana olmaslik - jamoamizning og'riqli nuqtasi"

- O'yin haqida fikrlaringiz

- Birinchi navbatda "Paxtakor" va Slavche Voyneskini tabriklamoqchiman. Ular g'alabaga loyiq edilar. Biz bunday o'yinni kutmagandik. O'yin boshida yigitlarim harakat qilishdi. Bizda vaziyatlar ham bo'ldi. Ammo bu jamoamizning asosiy kamchiligi bo'lib qolmoqda. O'yin boshida yuzaga kelgan vaziyatlardan foydalana olmaslik - jamoamizning og'riqli nuqtasi. Keyin esa o'zimiz gol o'tkazib yuboryapmiz. Birinchi bo'limning boshlarida temp yuqori bo'ldi. Keyin esa temp biroz tushdi. Ikkinchi bo'limning oxirlarida esa jismoniy holatimiz sabab biror narsa qila olmadik. "Paxtakor" futbolchilarining jismoniy holatlarini ham etirof etish joiz. Oldinga intilishda davom etamiz. Keyingi o'yinga tayyorlanishni boshlash kerak. 

- Ikkita o'zgarishni amalga oshirganingizdan va jamoa gol o'tazib yubordi...

- Albatta, Stanislavlevichni o'zgartirish avvaldan rejalashtirilgandi. Zoteevda charchoq alomatlari sezilib qoldi va shu sabab uni almashtirdik. Afsuski, gol o'tkazib yubordik. Gol juda chiroyli bo'ldi. Ammo bunga o'zimiz yo'l qo'yib berdik.

- "Qizulqum" 0:1 hisobida mag'lubiyatga uchrab turganida ham 5 ta himoyachi bilan harakat qildi. SHu pallada taktikani o'zgartirib, hujumga etibor qaratish ham mumkin edi...

- Biz taktikani kechroq o'zgartirdik. Sababi, biz golgacha ikki o'yinchini o'zgartirib bo'lgandik. Ular o'zlarini zaxiraga olishni so'rashdi. Jamoaga yangi kuchlar qo'shilgandan so'ng taktikani o'zgartirish haqida o'yladik.