Nematillo Quttiboev: "Ko'p himoyalanganimizga qaramay, g'alabaga loyiq edik"

- O'yin haqida

- Kurashlarga boy o'yin guvohi bo'ldik. Yigitlarimga rahmat aytaman, so'ngi daqiqaga qadar to'xtashmadi. Bizni qo'llab quvvatlab turgan muxlislarimizga alohida rahmat aytaman. Bugun g'alabaga loyiq edik deb o'ylayman.

- "Aral" jamoasining O'zbekiston kubogidagi so'ngi bahsi va bugungi uchrashuv juda katta farq qildi. Kubok o'yinlarida jamoangiz ancha hujumkor o'yin namoyish etayotgan edi. Bugun esa pragmatik futbol uslubini tanladingiz. Bunga sabab nima?

- "Xorazm" jamoasi bizni ko'proq himoya haqida o'ylashga majbur qildi. Raqibimiz ikkita hujumchi bilan o'ynadi. Ko'p himoyada o'ynaganimizga qaramay, qarshi hujumlarimiz ham ancha xavfli bo'ldi. O'yin shunday taktika tanlashga majbur qildi.

- "Aral" jamoasi raqibdan kelib chiqib uslub tanlaydimi yoki aniq tanlab olingan uslubga sodiqmisiz?

- To'g'risini aytaman, biz har bir uchrashuvda hujumkor futbol o'ynashga harakat qilamiz, ammo har doim ham bunday bo'lavermaydi. Bugungi maydonning holati ham yaxshi emas edi. Bunday maydonda tezkor futbol namoyish etish qiyin. Bugun yaqqol hujumchisiz o'ynadik. Asosiy hujumchimiz oilaviy sabablarga ko'ra o'z o'yiga jo'nab ketdi.

- Vodiy va Voha tomonlardan kuchli futbolchilar muntazam ravishda etishib chiqadi. Xorazm va Qoraqalpog'iston taraflardan yaqin orada kuchli futbolchi chiqishi mumkinmi?

- Biz tomonlarga ham katta futbol kirib kelmoqda. Tez orada bizda ham yaxshi va iqtidorli futbolchilar chiqishi aniq.