Nematilla Qutiboev: "O'yin oxirida diqqatni yo'qotib, jazolandik. "Dinamo" va "Loko" tarkib jihatdan Superligaga davogar"

"Samarqand jamoasini g'alaba bilan tabriklayman. O'yinga keladigan bo'lsak, bahs shiddatli o'tdi. O'yin davomida yomon harakat qilmadik. Ammo faqat uchrashuvning oxirida diqqatni yo'qotdik va jazolandik. Gol kiritilgan vaziyatda qarshi hujumga chiqib, qaytishga ulgurmadik. 

Salamat Qutiboevning qaytishi jamoa o'yinini o'zgartirdimi? Tajribali o'yinchining qaytishi, tarkibimizni kuchaytirgani rost, ammo o'tgan mavsum Birinchi ligada ham shu uslubda to'p surgandik. Tan olish kerak, Birinchi liga va Pro liga o'rtasida farq katta, biz hali yana ishlashimiz kerak. Tarkibni bu yil kuchaytira oldik. 

Moliyaviy holatimiz qanday? Bu borada hozircha muammo yo'q, hammasi joyida.

Bu mavsumdagi maqsad? Maqsadimiz – har o'yinda g'alaba uchun kurashish. SHu orqali qandaydir natija qayd etish mumkin.

"Lokomotiv" va "Dinamo" bilan bahsimizni taqqoslasam, ikki o'yinda ham grand jamoalarga qarshi munosib to'p surishga intildik. Aytishim mumkinki, "Dinamo" va "Loko" - teng kuchli jamoalar. Tarkib jihatdan ham ikki klub Superligaga davogar", - deydi Nukus jamoasi bosh murabbiyi.