“Neftchi”: Bugundan ikkinchi yig'in boshlanadi

Avval xabar berganimizdek, jamoaning navbatdagi yig'ini Toshkentda kechadi. Rejaga ko'ra bugun futbolchilar “Futbol-MED”da tibbiy ko'rikdan o'tkaziladi. Kechki payt esa CHirchiq shahrida “Metallurg” bilan sinov-nazorat bahsida maydonga chiqadi.

Ertadan esa mashg'ulotlar yana poytaxtda davom ettiriladi.

Aytish lozimki, ushbu yig'in chog'ida bir nechta futbolchilar tarkibga kelib qo'shilishi kutilmoqda. Ulardan biri Akmal Xolmatovdir. Tajribali futbolchi bir necha yillik tanaffusdan so'ng yana o'zining qadrdon klubida o'ynashga yaqin turibdi.

SHuningdek bugungi kunda rahbariyat bir nechta futbolchilar bilan muzokara o'tkazmoqda. Agarda tomonlar o'zaro kelishuvga erishilsa, ularning nomlari oshkor etiladi.

Murod Ismoilov boshchidigidagi “Neftchi” Toshkent yig'ini jarayonida yana bir qator sinov-nazorat o'yinlarida ishtirok etishni o'z rejasiga kiritgan.