"Navbahor: Jabborov va Samatov keldi, Akbarov kelishi mumkin

Bugun futbolchilar ertalabki, mashg'ulot chog'ida kross yugurishdi. Ayni paytda murabbiylar shtabi jamoa azolarining jismoniy holatini ko'ngildagidek bo'lishi uchun yuklamalar berishmoqda. Albatta jismoniy tomondan chiniqish orqali esa ikkinchi davra bahslarini munosib tarzda o'tkazish imkoni yuzaga keladi.

Bugun “Navbahor” tarkibiga avval xabar berib o'tganimizdek, Dilshod Jabborov va Alisher Samatov qo'shilishdi. So'nggi mavsumlarni Toshkentning “Lokomotiv” klubida o'tkazgan yarim himoyachi Dilshod Jabborovning oldida bir qator variantlar bo'lishiga qaramay, qadrdon jamoasiga qaytishga qaror qildi.

Mavsumning birinchi yarmini Samarqandning “Dinamo” klubida o'tkazgan qanot yarim himoyachisi Alisher Samatov ham ikkinchi davrani "Navbahor" safida o'tkazishi haqiqatga yaqinroq. SHu kunlarda tarkibga Bobur Akbarovni ham qo'shilishi kutilmoqda.