"Navbahor": Nazorat o'yinida durang kuzatildi

Uchrashuvning birinchi bo'limida har ikki jamoa azolarida ham gol urish uchun bir qator imkoniyatlar bo'lsada tanaffusga qadar hisob ochilmadi. Ikkinchi bo'limda Alisher Mahmudov hisobni ochishga erishgan bo'lsada futbolchilarimiz 1:0 hisobidagi ustunlikni saqlab qola bilishmadi. Mezbonlar ham bitta gol urib, yakuniy natijani durang bo'lishini taminlashdi.

Poytaxtda o'tayotgan yig'indagi mashg'ulotlarda futbolchilarimizni ko'tarinki kayfiyatda shug'ullanyotganliklarini aytib o'tish joiz. Qolaversa, mashg'ulotlar hamrang-barang va qiziqarli tarzda tashkil etilmoqda. Murabbiylar shtabi futbolchilarga yuklamalar berish bilan bir qatorda ularni ruhiy tomondan ham tayyorlab borishmoqda.