"Nasaf” “SHo'rtan”ga qarshi tayyorgarlikni davom ettirmoqda

Ayni paytda jamoamizning bir qator azolari jamoa bilan birga emas. Jumladan Eldorbek Suyunov Milliy terma jamoa safida Filippinga yo'l olgan bo'lsa, iqtidorli yarim himoyachimiz Odilbek Hamrobekov O'zbekiston olimpiya terma jamoasi bilan Slovakiyada o'tayotgan turnirda ishtirok etmoqda.  Uch nafar futbolchimiz (Bobur Abduholiqov, SHarof Muhiddinov va Aziz G'aniev) O'zbekiston yoshlar terma jamoasi tarkibida Xitoyga jo'nab ketgan. Turkmaniston milliy terma jamoasi safida JCH-2018 saralash o'yinida ishtirok etgan jamoamiz sardori Artur Gevorkyan kecha jamoa qarorgohiga etib keldi va u bugundan mashg'ulotlarga kirishadi. Quvonarli, tomoni jarohati bois ikkinchi davra bahslariga maydon tusha olmagan etakchi markaziy himoyachimiz Hamza Karimov hozirda mashg'ulotlarda astoydil ter to'kmoqda.

Eslatib o'tamiz, “Nasaf” – “SHo'rtan” uchrashuvi 12 sentyabr kuni soat 19:30 da Qarshi “Markaziy” stadionida boshlanadi.