"Nasaf" safida yangi futbolchilar paydo bo'lishi mumkin
01 fev 2018 11:53
Yangiliklar

"Nasaf" safida yangi futbolchilar paydo bo'lishi mumkin

OCHL-2018 guruh bosqichiga yo'llanmani qo'lga kiritgan “Nasaf” futbolchilari ayni kunlarda hordiq chiqarishmoqda.

Futbolchilar 3 fevral shanba kuni, Qarshi shahridagi o'z qarorgohida yig'ilishadi va OCHL-2018 “S” guruh bosqichining 1-tur uchrashuviga tayyorgarlikni boshlaydi.

“Nasaf” 13 fevral seshanba kuni, Eron poytaxti Tehron shahrida “Persepolis” jamoasiga qarshi, guruh bosqichining dastlabki uchrashuvini o'tkazadi. Klub delegaciyasi 10 fevral kuni Eronga safar uyushtirishni rejalashtirgan.

Bungacha “ajdarlar” Qarshida nazorat uchrashuvi o'tkazishni ham mo'ljallamoqda. Nazorat uchrashuvidagi raqib kim bo'lishini keyinroq malum qilamiz.

Albatta, jamoa safida yangi futbolchilar paydo bo'lishi mumkin. Bu haqda ham keyinroq aniq malumot beramiz, - deb yozadi klub rasmiy sayti.