Najmiddin Normurodov: “G'alabani qo'ldan chiqardik”

“Bugungi o'yin qiyin bo'lishini bilardik, shunga yarasha tayyorgarlik ko'rgandik. O'yin davomida to'p nazoratini o'z tomonimizda ushlab turdik. Lekin kutilmaganda ikkita gol qo'yib yubordik. Birida standart vaziyatda gol urishgan bo'lsa, yana birida qarshi hujum vaqtida “Buxoro” unumli foydalandi. G'alaba qozonishimiz mumkin bo'lgan vaqtda  ochko yo'qotdik. 

Keyingi turda o'z maydonimizda “Zomin”ni qabul qilamiz. SHu o'yinda muxlislarimizni xursand qilish istagida maydonga tushamiz va g'alaba qozonamiz degan umiddaman. Bugungi o'yindagi xatolarimizdan ham to'g'ri xulosalar chiqaramiz", - deydi Normurodov.