Muhammad Saloh endi har oy "Liverpul"da eng yaxshi futbolchi bo'ladimi? FOTO

Ushbu futbolchi keyingi barcha oylarda eng yaxshi deb topilishini taxmin qilish mumkin. Sababi Saloh misrlik, ushbu davlatda internet foydalanuvchilari istalgan so'rovnomada o'z yurtdoshlarini birinchi o'ringa olib chiqib qo'yish imkoniyatiga egalar.

So'zimizga isbot tariqasida Saloh ECHL 1-turida eng yaxshi deb topilganini keltirishimiz mumkin. Vaholanki bu turda "Liverpul" o'z uyida "Sevilya" bilan durang o'ynagandi va Saloh bitta gol urgandi.

Futbolchi bu mavsum avgustda ham, sentyabr oyida ham "Liverpul"ning eng yaxshi futbolchisi va eng chiroyli gol muallifi deb topildi. Albatta so'rovnoma natijalariga ko'ra.

O'tgan mavsum "Roma"da o'ynagan Saloh mart, aprel va may oylarining eng yaxshi futbolchisi bo'lgandi.

SHunday ekan ushbu futbolchi bor bo'lgan so'rovnomada kim g'olib chiqishi deyarli aniq.