Muhammad Salah 32 ta gol urib APLda rekord o'rnatdi va mavsum to'purari bo'ldi
13 may 2018 22:50
Yangiliklar
Muhammad Salah 32 ta gol urib APLda rekord o'rnatdi va mavsum to'purari bo'ldi
APLning so'nggi 38-turi doirasida “Liverpul” o'z maydonida “Brayton”ni qabul qilib, 4:0 hisobida g'alaba qozondi.
Uchrashuvning 26-daqiqasida Muhammad Salah mehmonlari darvozasini ishg'ol etishga erishdi. Bu gol uning “Liverpul” safida APLda urgan 32-goli bo'ldi. SHu tariqa misrlik futbolchi APLda bir mavsumda 32 ta gol urgan ilk futbolchiga aylandi.
Avvalroq Muhammad 31 ta gol urgan holda rekordni Luis Suares, Krishtianu Ronaldu va Alan SHirer bilan bo'lishib turgan edi.
SHu tariqa Salah APLda 2017/18 mavsum to'purari bo'ldi. Ikkinchi o'rin 30 ta gol bilan Harri Keynga nasib etdi. Uchinchi o'ringa esa 21 ta gol Serxio Aguero joylashdi.
O’xshash yangiliklar
15:11
Saudiya Arabistoni klubi Saloh bilan muzokaralar olib bormoqda, ushbu klubga van Deyk ham qiziq 1
Fikrlar