Mo'ydin Mamazulumov: "Qanaqa ko'rik? "Loko" bilan shartnoma tuzib bo'ldim"

- "Lokomotiv" taklifi men uchun ham kutilmaganda sodir bo'ldi. Bu jamoaga qarshi Kubok bahsida ikki marta va chempionatda bir marta o'ynadik. To'g'risi, bu jamoaning qiziqishi haqida kubok o'yinidan so'ng eshitdim, - deydi Mamazulumov.

- Sizni "Loko"ga ko'rikdan o'tish uchun kelganingiz haqida yozishgandi...
- Qanaqa ko'rik? Axir Men bu jamoa bilan shartnoma imzolab bo'lganman va mavsum oxirigacha endi shu erda o'ynayman. Men haqimda nimadir yozishdan oldin klub rahbarlariga murojaat qilishsa yaxshi bo'lardi. Meni u erda juda yaxshi kutib olishdi. Klub rahbarlari bilan ham gaplashdim. Ular menga ishonishayotganini aytishdi. "Lokomotiv"dagi deyarli yarim jamoa bilan birga o'ynaganman. Yangi jamoaga moslashib ketishimda muammo bo'lmaydi deb umid qilaman.