Mixail Marxel: "O'zbekistonni tanlab adashmabmiz"

19 yoshli futbolchilar o'rtasida kechgan dastlabki o'yinda 1:0 hisobi qayd etilgan edi.

"Terma jamoangizga to'g'ri baho bergan ekanmiz. Ikki o'yindagi mag'lubiyat bizda xatolar borligini bildiryapti. Aslida o'rtoqlik o'yinlari shuning uchun ham kerak. Oldimizda bir nechta davlatlar turib, aynan O'zbekistonni tanlab adashmagan ekanmiz. Buni ikki o'yin natijasi ham ko'rsatib turibdi", - deydi Belarus terma jamoasining katta murabbiyi Mixail Marxel.

Bahraynda bo'lib o'tadigan Osiyo chempionatiga tayyogarlik ko'rayotgan Jasur Abduraimov shogirdlari yil hisobidagi so'nggi o'rtoqlik o'yinini o'tkazdilar. Ikki o'yin borasida yoshlar terma jamoamizning bosh murabbiyi quyidagicha fikr bildirdi:

- Birinchi o'yinda imkoniyatlardan foydalana olmagan edik. Ikki uchrashuvda ham raqiblarimizdan yaxshi harakat qildik, bu esa hisobda ham aks etdi. Odatdagidek ishlashda davom etamiz, endi keyingi yil rejalarini tuzib chiqishimiz kerak.