Mirjalol Qosimov: "CHempionatning dastlabki ikki turini uyda o'tkazish yaxshi"
03 fev 2018 16:48
Yangiliklar
Mirjalol Qosimov: "CHempionatning dastlabki ikki turini uyda o'tkazish yaxshi"
2018 yilgi Superliga bahslariga qura tashlash marosimi o'tkazilgach "Bunyodkor" ustozi o'z fikrlarini bildirdi.
"Qura tashlash marosimi chiroyli o'tdi. Raqiblarimiz malum bo'ldi. Quvonarlisi, dastlabki ikki turni o'z maydonimizda o'tkazamiz. AGMK ham kuchsiz jamoa emas, ular xorijda yig'in o'tkazishmoqda. Ikkinchi turda esa "Paxtakor"ni qabul qilamiz.
Bu yilgi maqsadimiz o'tgan mavsumdagi jamoaning o'zagini saqlab qolish. Yozda SHomurodov ketgandi, qishda SHukurov ketdi. Hujumga Filip Rayevacni oldik. Moliyaviy muammolar bor, shunga qaramay biz kurashamiz. O'z akademiyamiz tarbiyalanuvchilariga tayanamiz.
Bugun "So'g'diyona"ga qarshi bahsda legioner yarim himoyachini sinovdan o'tkazdik. Hozircha u bilan shartnoma tuzmadik, agar harakatlari maqul kelsagina jamoamizda o'ynaydi", - deydi Mirjalol Qosimov.
Fikrlar