Messi PSJdan ketish haqida o'ylamoqda

PSJ hujumchisi Lionel Messi yozda shartnomasi yakunlangandan so'ng Parij klubini tark etishi mumkin, deb yozdi "L'Equipe".

7 karra "Oltin to'p" sohibi 2021 yilda "Barselona"ni tark etgan va PSJ bilan yana bir yilga uzaytirish bandini o'z ichiga olgan ikki yillik shartnoma imzolagandi.

PSJ Messining bu variantdan foydalanishini istaydi, biroq ayni paytda moliyaviy feyr-pley qoidalariga rioya qilish uchun maoshi, yani mavsum uchun 30 million evrodan kamroq olishga ro'zi bo'lishini kutadi.

Parijda argentinalikning otasi va agenti Xorxe Messi ishtirok etgan yig'ilishda bu taklif rad etildi. PSJ kelishuvga erishish uchun 35 yoshli futbolchining otasi bilan yana uchrashishni intiqlik bilan kutmoqda.

Messining o'zi kiyinish xonasidagi beqarorlikdan charchagan va PSJdan ketish haqida o'ylab yuribdi.

Qayd etilishicha, Lionel MLS klubiga o'tishni ustuvor variant sifatida ko'rib chiqadi, katta ehtimol bilan bu "Inter Mayami" bo'ladi. Bundan tashqari, 2022 yilgi jahon chempioni "Barselona"ning har qanday taklifini tinglashga tayyor, ammo hozircha Kataloniya klubi bilan aloqalar bo'lmagan.