"Mashal-W" yirik hisobda g'alaba qozondi

"Mashal-W" o'z maydonida Toshkentning "Lokomotiv" klubini qabul qildi va yirik hisobda g'alaba qozondi. Butun o'yin qizlarimiz tashabbusi bilan o'tdi.  Birinchi bo'limda ikki bor gol urildi va har ikki golga ham Maftuna Panjieva mualliflik qildi.  Aytib o'tish kerakki bu ikki gol penaltidan amalga oshirildi.  Har ikki vaziyatda ham raqib himoyachilari Sevara Normurodovaga qarshi qo'pol harakat qildi va hakam 11 metrlik nuqtani ko'rsatdi.  Ikkinchi bo'limda Sevara Normurodovaning o'zi yana bir bor gol kiritib hisobni yirik ko'rinish olishini taminladi.  

Ushbu g'alabadan so'ng jamoamiz to'plagan ochkolar soni 23 taga etdi va turnir jadvalida oltinchi pog'onani saqlab qoldi.  

Ayollar chempionati,  14-tur.
"Mashal-W" - "Lokomotiv-W"  3: 0
Gollar:  Maftuna Panjieva ( 24 pen,  40 pen),  Sevara Normurodova (65).
"Mashal-W":  33. Maftuna Jonimqulova (c),  10. Laylo SHodieva,  17. SHohida Tojiddinova,  22. Maftuna SHoyimova,  11. Dildora Ergasheva,  6. Sevara Normurodova,  37. Maftuna Panjieva,  27. Malika Burxonova,  18. Feruza Boboxo'jaeva,  7. SHahnoza Qurbonova,  8. SHahnoza SHokirova.
Zaxiradan maydonga tushganlar:  12. Nargiza Mahmudova,  2. Gulzoda Amirova,  29. Jasika Kruchinika,  16. Maxliyo Nazarqulova.