"Mashal": Rekord muborak Ermatov!

Gollandiya va Kosta-Rika terma jamoalari o'rtasida bo'lib o'tgan uchrashuvda Gollandiya terma jamoasi penaltilar seriyasiga ko'ra yarim finalga yo'l oldi. Biz uchun o'ta ahamiyatli bo'lgani esa, ushbu uchrashuvni yana bir bor o'zbekistonlik hakamlar guruhi boshqarib borgani bo'ldi.

Ravshan Ermatov ushbu chempionatdagi to'rtinchi uchrashuvini boshqarib bordi. JAR da o'tgan chempionatda esa beshta uchrashuvni boshqarib borgan hakamimizni mundialda boshqargan uchrashuvlari 9 taga etdi va jahon rekordini o'rnatdi.

"Mashal" PFK o'zbekistonlik hakamlar guruhini ushbu katta muvaffaqiyat bilan chin yurakdan muborakbod etadi. O'zbekiston futboli va nomini yoyishda mana shunday hakamlarimiz borligi bu bizning faxrimizdir. Ermatovdek hakamlar Oliy ligamizda bundan ham ko'p bo'lishini va futbolimiz rivojida mehnat qilishini tilaymiz.  Ermatovning har bir uchrashuvdagi adolatli qarorlari barcha o'zbek muxlislarini quvontirmoqda. Ermatov hali o'zi o'rnatgan rekordni bundan ham ko'proq qilib yaxshilashiga ishonamiz!

Rekord muborak Ermatov !!!