"Manchester Yunayted"ning sentyabr oyidagi eng yaxshi o'yinchisi nomi elon qilindi + FOTO

Unga ko'ra, franciyalik qanot hujumchisi Antoni Marsyal MYUning o'tgan oydagi eng yaxshi o'yinchisi deb topildi. Marsyal ovoz berish jarayonida 41 foiz ovoz to'pladi. Undan keyingi o'rinlarni Romelu Lukaku (31 foiz), Maruan Fellayni (20 foiz) va Markus Reshford (8 foiz)lar egallashdi.

Marsyal sentyabr oyida "Manchester Yunayted" tarkibida 6 uchrashuvda 287 daqiqa o'ynadi. Ana shu vaqt ichida 3ta gol urdi va 4ta golli pas berdi.

Bu bilan Antoni "qizil iblislar" tarkibida uchinchi bor oy futbolchisi bo'ldi. U 2015 yilning dekabrida va 2016 yilning may oyida ham MYUning oy o'yinchisi bo'lgan edi.

Eslatib o'tamiz, "Manchester Yunayted"da avgust oyida Pol Pogba eng yaxshi o'yinchi bo'lgan edi.