"Manchester Siti" futbolchisi "Barselona"ga o'tishga tayyor

"Diario Sport" malumotiga ko'ra, Kataloniya klubi futbolchining sifati jamoaga mos keladi deb hisoblamoqda. Yarim himoyachiga ham "Barselona"da ijara asosida o'ynash varianti maqul kelyapti. Biroq bu "Barselona"ning moliyaviy holatiga ham bog'liq.

Klub faqatgina yaqin vaqtlarda "Barça Studios" aktivlari sotilsa yoki biror futbolchini sotib yuborsagina angliyalikni ro'yxatdan o'tkazishi mumkin bo'ladi.

"Barselona" ijara tekin bo'lsagina Fillips bilan shartnoma imzolaydi. Biroq bu "Manchester Siti"ga maqul kelmayapti.

Qayd etilishicha, Kelvin uchun "Vest Xem" varianti ham bor. London klubi qishda futbolchini to'liqligicha sotib olmoqchi.