Maksim SHackix: "Biz eng kuchli jamoamiz, bizni hech bir raqib mag'lub eta olmaydi"

- O'yin haqida...

- O'yinni to'liq nazorat qildik. Birinchi bo'limda gol ura olmadik, ammo ikkinchi bo'limda o'z maqsadimizga erishdik. Raqib hisobni qisqartira oldi. Eng muhimi, chempionlikka erishdik.

- "Paxtakor" mavsumni qanday o'tkazdi?

- Mavsumni bir tekisda o'tkaza olmadik, shu sababli qiyinchiliklarga duch keldik. Ko'p ochko yo'qotdik va ko'p gol o'tkazib yubordik. Raqibga ko'p marotaba gol urishga imkon berganimiz meni havotirga soladi. CHempionlikga osonlik bilan erishib bo'lmaydi. O'tgan mavsum so'nggi turda, joriy mavsum bir tur avval chempionlikni nishonladik.

- "Paxtakor"ning selekciyasi haqida gapirib o'tsangiz? Yangi futbolchilarni jamoada ko'ramizmi? Menimcha, "Paxtakor"ga to'purar hujumchi etishmayapti.

- Ha. Albatta, yangi futbolchilarni jamoaga jalb etamiz. Bu borada reja tuzganmiz va ushbu rejani amalga oshirishga intilamiz. Keyingi mavsum jamoa butunlay o'zgaradi. Yanada kuchliroq va agressivroq jamoani ko'rasizlar. Ko'p marotaba takrorlaganman, qishki transferlar oynasida yaxshi futbolchilarni harid qilish qiyin. Sababi, ko'p chempionatlar kuz-bahor tizimi bo'yicha mavsum o'tkazadi, sifatli futbolchilar esa o'z jamoalarida o'ynashayotgan bo'lishadi. Yil yarmida yaxshi nomzodlarni topish biroz qiyinchilik to'g'diradi.

- Top darajadagi futbolchini jamoada ko'rishimiz mumkinmi? "Paxtakor" Luis Suaresga aloqaga chiqqan degan gaplar tarqalgan edi...

- Ha, u bilan gaplashdik. Kavani bilan ham muzokara olib bordik. Lekin bir narsani tushuninglar, ko'pgina yaxshi futbolchilarning O'zbekistonga kelishi qiyin masala. Yulduz futbolchini olib kelish muammo emas, ammo uni taminlash kerak. Top futbolchining yonida uning darajasiga teng jamoadoshlari bo'lishi kerak. Masalan, Messi jamoadoshlarisiz ham bemalol o'ynay oladi. Qolganlar esa unday emas. "Paxtakor" top futbolchini O'zbekistonga bemalol olib kela oladi, ammo bunga to'sqinlik qiladigan bir nechta muammolar bor. Yulduz futbolchi top darajadagi sharoit bo'lishini istaydi.

- "Paxtakor"ning stadioni yangilanadimi? Bu borada yangiliklar bormi?

- Bizda rejalar ulkan, siz ularning qanday ekanligini tassavur qila olmaysiz. Maqsadlarimizni oldindan aytib qo'ymayman. O'zingiz keyinchalik bilib olasiz. Yurtimizda bunday rejalarni tez amalga oshirishning iloji yo'q. Bunga biroz vaqt kerak.

- "Paxtakor" uchun joriy mavsum eng qiyin raqib kim bo'ldi?

- Aniq qaysidir jamoani ayta olmayman. "Paxtakor" chempionatda hech kimdan kuchsiz emas. Biz eng kuchli jamoamiz, bizni hech bir raqib mag'lub eta olmaydi. Biz faqat o'zimizga o'zimiz mag'lub bo'lishimiz mumkin. O'zingiz bilasiz, "Paxtakor"ga qarshi har bir jamoa qo'shimcha motivaciya bilan o'ynaydi.

- Farruh Sayfievning hozirgi holati haqida gapirib o'tsangiz. U so'nggi paytlarda ko'p xatoga yo'l qo'ymoqda. Masalan, himoyachi bugun ham gol urilgan vaziyatda xatoga yo'l qo'ydi.

- Hamma xato qiladi. O'yinda yo'l qo'ygan xatosini to'g'irlashimiz kerak edi. U golli pas berdi. Eng muhimi — xatolarni to'g'rilash. Xato qilishdan qo'rqish kerak emas.