Lukas Okampos "Sevilya"dan "Vulverxempton"ga 45 million evro evaziga o'tishi mumkin

"Bo'rilar" agar jamoadan Adama Traoreni ketadigan bo'lsa, argentinalik futbolchini xarid qilishmoqchi.

Okamposning "Sevilya" bilan shartnomasi bor, ammo bitimda 68,5 million evrolik tovon puli bor. Ammo, pandemiya tufayli argentinalik futbolchining transfer narxi 45 million evrogacha tushishi mumkin.

Lukas Okampos 2019/20 yilgi mavsumda ajoyib o'yin ko'rsatdi va La Liga rasmiy jamoasidan o'rin egalladi.

Futbolchi joriy mavsum barcha musobaqalarda 44ta o'yinda maydonga tushib, 17ta gol va 5ta assist qayd etdi. "Sevilya" bilan esa Evropa Ligasi g'olibiga aylandi.