Lopetegi Ispaniya terma jamoasidan ketishi haqida: "Hech narsadan afsusda emasman"

"Men shunchaki qaror qabul qildim va yana shunday qilgan bo'lar edim. To'g'risini aytdim, hech narsadan afsuslanmayman. "Real" o'sdi, u doimo buyuk klub bo'lgan, ammo so'nggi muvaffaqiyatlari bilan XXI asrning eng yaxshi klubiga aylandi.

Ispaniya terma jamoasi yangi bosh murabbiyi Luis Enrikening ishlari yaxshi bo'ladi deb umid qilaman. "Real"ni shug'ullantirishdan baxtliman, oldimizda katta maqsadlar turibdi. Bir umrga Ispaniya muxlisi bo'lib qolaman.

Sodir bo'lgan narsani o'zgartira olmaymiz. Orqaga qarash niyatim yo'q. Tanishtirish marosimida o'z hislarim haqida gapirdim, o'shandan beri hech narsa o'zgarmadi. Bu to'g'ri qaror edi" - deydi Lopetegi.