"Lokomotiv" "Neftchi"ga qarshi tayyorgarlikni boshladi

Yomg'ir yog'ishiga qaramay futbolchilar astoyidil mashq qildilar. Jamoada oilaviy sabablarga ko'ra, Oleg Zoteev (yaqinda farzandlik bo'lgandi), Alisher SHog'ulomov (Olimpiya terma jamoasi yig'inlariga chaqirilgan) va Bobur Yo'ldoshev (asosiy terma jamoa yig'inlarida) ko'rinmadilar.

Mashg'ulotlarga murabbiylar Andrey Miklyaev va Marat Miftaxutdinovlar bosh-qoshlik qilishdi.

Eslatib o'tamiz, Futbol bo'yicha "XXIV O'zbekiston CHempionati" ning 2-turida o'rin olgan, "Lokomotiv" - "Neftchi" o'yini, Toshkentda. TashIIT (Temiryo'lchilar Instituti) stadionida bo'lib o'tadi.

Barchani stadionga 15:00 da taklif qilib qolamiz. Uchrashuv oldidan estradamiz yulduzlari ishtirokida koncert dasturi va "Lokomotiv" uchun chempionatning rasman ochilish marosimi bo'lib o'tadi.

Stadionga kirish bepul. Uchrashuvdan so'ng jurnalistlar ishtirokida matbuot anjumani bo'lib o'tadi.