"Lokomotiv": Haver Rivas “Al-Ittixod”ga g'alaba keltirdi

Turnir jadvalida 9-o'rinni egallab turgan “Al-Faysali” mehmoni bo'lgan jiddaliklar 64-daqiqaga kelib o'z darvozalaridan gol o'tkazib yuborishdi. Mezbonlarning gvienalik futbolchisi Haver Balboaning pasini braziliyalik Adriano de Paula golga aylantira oldi.

SHundan keyin ustunlik “Al-Ittixod” tomoniga o'tdi. O'tkazib yuborilgan golga to'rt daqiqa to'lishi bilan venesuelalik Haver Rivas sherigi Abdulfattoh Asiriga golli pas uzatdi. Legioner qolgan daqiqalarda ham yaxshi harakat qilib, mehmonlarning g'alabasiga benazir hissasini qo'shdi.

Jumladan, 82-daqiqada Rivas belgilangan penaltini aniq amalga oshirib, “Al-Ittixod”ni hisobda oldinga olib chiqqan bo'lsa, 88-daqiqada dublini rasmiylashtirib, o'yinga mantiqiy yakun yasab berdi. Rivas Osiyo chempionlar ligasining pley-offida ham gol urib, jamoasining guruh bosqichiga qo'shilishiga yordam bergandi.

SHu kuni “Al-Ittixod” safida Rivasdan tashqari ruminiyalik Lusian Sanmartin, ganalik Salli Muntari hamda Amirliklardan bo'lgan Majid Al-Haybari kabi legioner yigitlar ham harakat qilishdi. Mazkur g'alabasidan keyin klub ochkolari sonini 35 taga etkazib, turnir jadvalida uchinchi bo'lib turibdi. Peshqadam “Al-Hilol” hisobida 40, keyingi o'rindagi “Al-Ahli”da 38 ochko mavjud.

Eslatib o'tamiz, bugun “Lokomotiv” Dubaydagi navbatdagi o'rtoqlik o'yinini Xitoy Super ligasi vakili “CHanchun Yatay” klubiga qarshi o'tkazadi.

"Al Faysali" - "Al Ittihod" 1:3
Gollar: Adriano Pardal 64 - Abdulfattoh Asiri 68, Rivas 82 penalti, 88.