“Liverpul” o'z natijasini takrorladi

Klopp shogirdlari APLning ortda qolgan 17 ta o'yinida mag'lub bo'lmadi. Klub 14 ta o'yinda g'alaba qozonib, 3 ta bahsda durang qayd etdi.

“Liverpul” o'z tarixida Angliya chempionatida uchinchi marta 17 ta o'yindan iborat mag'lubiyatsiz seriya qayd etmoqda.

Jamoa 1949/50 (mavsumni 8-o'rinda yakunlagan) va 1987/88 (chempion bo'lgan) yilgi mavsumlarda ham 17 ta o'yindan iborat mag'lubiyatsiz seriya qayd etgan.

Umuman olganda, o'tgan mavsumning bitta o'yini ham hisobga olinsa, “Liverpul” APLda 18 ta o'yindan beri mag'lub bo'lmadi. Klub tarixidagi eng uzun mag'lubiyatsiz seriya 1990 yilda qayd etilgan—23 ta o'yin.