Lima Kruz: "Golni nishonlash Ronaldu yoki Messiga qiyoslanmadi"

O'yin haqida

- Bugun ajoyib darajadagi o'yin o'tkazdik. Qiyin o'yin bo'ldi va biz astoydil harakat qilib yakunda g'alabaga erishdik. Bunday darajadagi sovrinlarni qo'lga kiritish har doim yoqimli. Bu mening hayotimdagi eng quvonchli onlardan biri.

"Nasaf" o'tgan mavsumda ham bu sovringa ega chiqqan ekan. O'yindan oldin biz jamoamiz bilan oxirigacha kurashishga kelishib olgan edik. Bugun hamma bir tanu-bir jon bo'lib harakat qildi va yakunda g'alabaga erishdik.

- Golni nishonlash Ronaldu yoki Messidan qiyoslanganmi?

- Yo'q, bu o'yindagi quvonch hissiyotlaridan kelib chiqdi. SHu sababdan ham his-tuyg'ularga mos tarzda shunday nishonladim. Ronaldu va Messi ajoyib futbolchilar, aytish joiz bo'lsa futboldagi fenomenlar. Ammo mening kumirim braziliyalik Ronaldo. Men har doim unga o'xshashga intilaman.

- "Nasaf" yangi shartnoma taklif etsa, jamoada qolasizmi?

- O'zimga qolsa, albatta qolaman. Ammo bu bosh murabbiy va klub rahbariyatining qaroriga bog'liq. Hozir "Nasaf" bilan 1,5 yillik shartnomam bor. Agar jamoa meni olib qolishni istasa, shartnomam tugaganidan so'ng ham "Nasaf"da qolishni istardim.