Laporta "Barselona" qachon asosiy stadioniga qaytishini tushuntirdi

"Ayni damda kelasi mavsumdan boshlab "Kamp Nou"da o'ynashni rejalashtiryapmiz. Bu antiqa bo'ladi, chunki qurilish davom etayotganda biz o'ynaymiz. Dekabr oyiga qadar stadion 90 foizga tayyor bo'lishi kerak, ishlar 2026 yilning yozida yakunlanishi ko'zda tutilgan. Tom yopishda biroz kechikish bo'lishi mumkin. Agar hammasi rejadagidek ketsa, "Vilyarreal"ga qarshi o'yin "Olimpiya" stadionidagi oxirgi o'yinimizdir", – dedi kataloniyaliklar klubi prezidenti.

"Barselona" "Vilyarreal" bilan o'yinda 2:3 hisobida mag'lub bo'ldi.

Avvalroq "Barselona" kelasi mavsumda "Kamp Nou"ga qaytishni rejalashtirayotgani malum qilingan edi.