Kubok finalini dekabrda o'tkazish shartmi?

Yarim finalda "Dinamo" va "Nasaf"ni ortda qoldirgan "Bunyodkor" va "Lokomotiv" klublari mamlakat kubogi finaliga yo'l olishdi.

Ko'pchilikda final o'yini qachon va qaysi stadionda bo'lib o'tadi degan savol tug'ilmoqda.

PFL so'nggi yillarda final uchrashuvlarini viloyatlarda o'tkazishni odat tusiga kiritib bormoqda. Hozircha bu yilgi final qaysi stadionda o'tishi malum emas.

PFL began taqvimga ko'ra O'zbekiston kubogi finali 2 dekabr, shanba kuni bo'lib o'tadi. Ha qish faslining dastlabki kunlarida mamlakat kubogi uchun bahs bo'lib o'tishi belgilab qo'yilgan.

SHu o'rinda PFLga ushbu o'yinni noyabr oyida o'tkazishni taklif qilgan bo'lardik. 6-14 noyabr kunlari FIFA kunlari munosabati bilan oliy ligamizda ikki haftalik tanaffus yuzaga keladi. 10-11 noyabr PFL taqvimiga zaxira kunlari sifatida kiritilgan. Bizningcha aynan shu kunlarda O'zbekiston kubogi finali o'tkazilsa bo'laveradi.

"Lokomotiv" va "Bunyodkor" 3 noyabr kuni oliy liganing 27-turidan o'rin olgan o'yinlarini o'tkazishadi. Undan keyingi tur esa 16-17 noyabrga belgilangan. SHunday ekan yuqoridagi taklifimiz (10-11 noyabr) ikkala klubga hech qanday og'irlik qilmasligi aniq. Hech kim tig'iz grafikdan nolimaydi ham.

Biz taklif qilayotgan sanaga hali 1 oydan sal ko'proq vaqt borligini eslatib o'tmoqchimiz.

Narzulla Saydullaev