Kroos zich taqvim haqida: "Futbolchilardan so'rashmaydi. Hech kim turnirlarni bekor qilib, pul yo'qotishni xohlamaydi"

"Bizning holatimiz yaxshi, bahona izlash niyatim yo'q. Ertaga "Manchester Siti"ga qarshi bahsda kuch bilan muammo bo'lmaydi. Bu CHempionlar ligasining yarim finali, charchoq haqida o'ylash xato.

Qisqa vaqt ichida Ispaniya Kubogi finali va CHempionlar ligasi yarim finalida ishtiok etish og'ir. Ammo bu muammo bugun paydo bo'lgani yo'q. Taqvim avvaldan shunday.

Bir necha yildan beri o'yinlar judayam ko'pligini aytib kelyapman. Hech kim turnirni bekor qilishni xohlamaydi, chunki bu orqali moliyaviy yo'qotishlar sodir bo'lishi mumkin. Ammo vaziyatdan futbolchilar xursandmi yoki yo'q, hech kim so'ramaydi.

O'zgarishlar bo'lishiga umid qilaman" - deydi Kroos.