Krishtianu Ronaldu: "Rangnik "Manchester Yunayted"da ko'p narsani o'zgartirdi"

"U besh hafta avval keldi va ko'p narsani o'zgartirdi. Biroq fikrlarini o'yinchilarga etkazish uchun unga vaqt zarur.

Bu tabiiy jarayon. Biroq, men u ishini uddalay olishiga ishonaman. Biz u qadar yorqin futbol namoyish qila olmayotganimizni bilamiz, lekin vaziyatni o'nglash uchun vaqt bor.

O'ylashimcha, uning kelishi tufayli biz bazi jihatlarda o'sishga erishdik. O'yinchilarning mentalitetini o'zgartirish u qadar oson ish emas. Ularning fikrlashi, harakatlari, madaniyati va butun tizimni. U muvaffaqiyatga erishishiga ishonaman", – dedi 36 yoshli portugaliyalik hujumchi.

MYU 19 uchrashuvdan keyin 31 ochko jamg'arib, 7-pog'onani band etgan.