Klopp Alkantaraning tiklanish jarayoni haqida gapirdi

"Liverpul" bosh murabbiyi Yurgen Klopp uzoq vaqtdan buyon jarohatini davolayotgan yarim himoyachi Tyago Alkantara haqida to'xtalib o'tdi. Ispaniyalik futbolchi oyog'idan olgan jarohati tufayli 6 oydan beri maydonga tushmayapti.

"Bu qiyin jarayon, ayniqsa, Tyagoning o'zi uchun. U 2 marta jarohatini qaytalab oldi, unchalik jiddiy emas, lekin uni qayta o'ynashiga to'sqinlik qilishi uchun etarli", – dedi mutaxassis.

32 yoshli xavbek oxirgi marta aprel oyida maydonga tushgan edi.