Keyn: "Dahshatli o'yin!"
20 fev 2022 11:31
Yangiliklar

Keyn: "Dahshatli o'yin!"

"Tottenxem" forvardi Xarri Keyn dubl qayd etib, jamoasiga g'alaba olib bergan "Manchester Siti"ga qarshi o'yin haqida gapirdi.

"Dahshatli o'yin! Biz bu bahsga uzoq va yaxshi tayyorlandik. Uzoq vaqt davomida 2:1 hisobida oldinda bordik, biroq darvozamizga belgilangan penalti barchasini o'zgartirib yuborishi mumkin edi. So'nggi soniyalargacha taslim bo'lmay yana golli vaziyat yaratishga harakat qilgan bu jamoani maqtamaslik mumkin emas.

Men uchun asosiysi uch o'yinlik g'alabasiz seriyani tugatish va g'alabali yo'lga tushib olishimiz kerak edi. Bunday natijaga erishish - o'zgacha voqelik albatta. Yigitlar bor kuchi bilan o'ynashdi. Va albatta, so'nggi daqiqada gol urish yoqimli bo'ldi.

Bizga doimo yuqori maqsadlar qo'yilgan. Ayni damda kuchli to'rtlikka kurashyapmiz. Futbol - holatlarni o'zgartirishni yaxshi ko'radigan sport turi. Bugungi bahs orqali biz so'nggi soniyalargacha kurashishimizni isbotlay oldik", - dedi hujumchi.

Havola :

Manba : Goal

Yangiliklarni Telegramda o'qing!

Reyting: +21