Karpin 6:1dan keyin nimalar dedi?

“Nega ilk taymda juda sust harakat qildik? Albatta, men uchun buning sababi malum. Jamoaning yarmi terma jamoa yig'inlaridan qaytib kelishdi. Na hujum, na himoyada, hech qaerda tayyor emas edik. Biz uchun yaxshigina dars bo'ldi. Bu esa bizning foydamizga ishlaydi degan umiddaman. Agar o'yinlarga bugungidek yondashsak, bu kabi hisoblar qayd etilaveradi. Mashg'ulotlarga qarab shunday natija bo'lishini kutsa bo'larmidi? Yo'q, albatta. Buni qanday tahmin qilish mumkin. Garchand, yana 3ta to'p o'tkazib yuborganimizga qaramasdan, ikkinchi taym menga ko'proq yoqdi. Tanaffusdan so'ng, hech bo'lmasa qarshi hujumlar tashkil etdik. Ilk bo'limda esa, go'yoki, bolalar va o'smirlar maktabi tarbiyalanuvchilari erkaklarga qarshi o'ynagandek taasurot qoldirdi”, – deya qayd etgan Karpin.