​Karlo Anchelotti: "PSJ"ni mag'lub etish uchun g'ayrioddiy nimadir qilish kerak"

"O'yinga yaxshi tayyorgarlik ko'rdik va nima qilish lozimligini bilamiz. Birinchi uchrashuvda raqib ikkita turli xil sxemalardan foydalandi. To'g'risini aytsam, ertaga ular qanday taktik uslubdan foydalanishlarini bilmayman. Lekin, "PSJ" - o'ta kuchli jamoa va mazkur klubga qarshi o'ynash juda og'ir".

"Katta jamoalar bilan uchrashish uchun hech qachon qulay vaqt bo'lmaydi. Lekin, "PSJ"ga qarshi to'qnash kelgan ilk o'yinimiz, so'zsiz bizga ishonch beradi. Dastlabki uchrashuvda o'zimizga bo'lgan ishonch etarli bo'lmadi. Hujumlarni yakunlashda aniqroq harakat qilishimiz kerak edi. Umuman, Mbappe, Neymar, Kavani singari top forvardlarga ega klubni mag'lubiyatga uchratish uchun bizdan g'ayrioddiy nimadir qilish talab etaladi", - dedi Anchelotti.

Eslatib o'tamiz, "Napoli" - "PSJ" uchrashuvi 7 noyabr kuni Toshkent vaqti bilan soat 01:00da boshlanadi.