Jeparov: "O'zbekiston - Rossiya o'yini zerikarli o'tdi"

- O'zbekiston va Rossiya terma jamoalari o'rtasidagi o'yin sizga qanday yoqdi?

- O'yin haqida gapiradigan bo'lsam, zerikarli ko'rinish oldi. Jamoalardan biri himoyaviy taktikani tanlaganida shunday hodisa sodir bo'ladi. O'zbekiston to'p yo'qotilganda bor etiborini tezkor qarshi hujumlarga qaratdi, Rossiya terma jamoasiga esa zich himoyani yorib o'tish qiyin bo'ldi.

- Rossiya terma jamoasi tarkibida qaysi futbolchini alohida ko'rsatib o'tgan bo'lardingiz?

- Menga himoyada Jikiyaning harakatlari yoqdi. U yakkakurashlarda juda yaxshi o'ynadi. SHu bilan birga, Sobolev, Zaxaryan va Kuzyaevni ajratib ko'rsatgan bo'lardim.

- Ushbu o'yin O'zbekiston terma jamoasiga nima berdi?

- O'ylaymanki, terma jamoamiz azolari kuchli futbol nafasini his qilishdi. CHunki ular Rossiya termasi kabi tezkor va kuchli jamoalariga qarshi har doim ham o'ynamaydi. Har qanday o'rtoqlik o'yini biz uchun tez orada boshlanadigan rasmiy turnirga tayyorgarlik hisoblanadi”, - dedi Jeparov.