"Jayxun" bosh murabbiyi Marat Auezniyazov: "Kubok bahslarida o'zimiz uchun kerakli kamchilik va xatolarni ko'rib oldik"
29 apr 09:55
Yangiliklar

"Jayxun" bosh murabbiyi Marat Auezniyazov: "Kubok bahslarida o'zimiz uchun kerakli kamchilik va xatolarni ko'rib oldik"

O'zbekiston kubogi guruh bosqichidan o'rin olgan "Bunyodkor" - "Jayxun" (7:0) uchrashuvidan so'ng mehmonlar bosh murabbiyi Marat Auezniyazov fikrlari bilan o'rtoqlashdi.

"Nima ham derdim? Hech narsamiz o'xshamadi. Bosim desak bizda ortiqcha yuklama yo'q edi. Kamchiliklar, xatolar ustida ishlaymiz. "Bunyodkor" Superliga jamoasi hisoblanadi. Endi chempionat uchrashuvlariga tayyorlanamiz. Boshqa yo'limiz ham yo'q",- deydi Marat Aueniyazov.

- O'tgan uchrashuvda "Qiziriq" yaxshi o'yin ko'rsatib ochko bilan qaytgandi. O'sha kun mehmonlarga atalgan ekan. Bugun "Jayxun"ning kuni emasmidi?

- Baribir maydonga chiqqandan so'ng o'ynash kerak. CHempionatda ham shunday holat takrorlansa, biz oldimizga qo'ygan maqsadimizga erisha olmaymiz.

- Kubok bahslari qanchalik xato va kamchiliklarni ko'rsatib berdi?

- Albatta. O'zimizga yarasha xatolarni, nimaning ustida ishlash kerakligini ko'rib oldik.

Havola :

Manba : Championat.asia

Yangiliklarni Telegramda o'qing!

Reyting: