Javohir Sidiqov: "Finalda kambek qayd etish osonmas"

"Har qanday turnirning hal qiluvchi uchrashuviga tayyorgarlik o'zgacha bo'ladi. CHempionat o'yinida shunchaki g'alaba uchun maydonga tushsak, Superkubokda undan yuz chandon ko'proq ishtiyoq bilan tayyorlangandik. G'alabadan keyingi hissiyotlarimni so'z bilan ifodalay olmayman. Juda xursandman. Kubokni Qarshi shahriga olib ketishni xohlagandik. Bizni qo'llab-quvvatlagan muxlislarga minnatdorchilik bildiraman. SHuningdek, klubda mehnat qilayotgan barcha xodimlarga rahmat aytmoqchiman. G'alabada barchaning hissasi mavjud. 

Uchrashuvga nafaqat jismonan, balki ruhan tayyor edik. SHu bois, g'alabani o'z tarafamizga og'dira oldik. Finalda kambek amalga oshirishning o'zi bo'lmaydi. Ayniqsa, "Paxtakor"dek kuchli jamoaga qarshi o'yinda bunga erishish qiyin. Biroq biz buni uddaladik. Endi Superliga va Osiyo CHempionlar ligasida ham o'zimiz istagan natijaga erishish uchun borimizni beramiz", dedi "Nasaf" yarim himoyachisi.