Jasur Abduraimov: "Paxtakor" rahbariyatiga ishonch uchun minnatdorchilik bildiraman"

- Bugun yaxshi o'yin ko'rsatdik. Jamoa futbol o'ynashga intildi. Harakatlarimiz o'xshadi va maqsadimizga erishdik. Safardagi o'yinlarda doim g'alaba uchun o'ynadik. Qaerdadir omadimiz kelmadi, oddiy holatlarda to'p o'tkazib yubordik. Yigitlarga birga ishlagan paytimiz uchun rahmat aytaman. Biz qiyin vaziyatda munosib ishladik. Ular jamoaga borlarini berishga intilishdi.

Rahbariyatga ham ishonch uchun minnatdorchilik bildiraman. O'zimni sinab ko'rdim, nimalarni uddalay olishimni bilib oldim. Bu menga asqotadi. Futbolchilarda o'ziga bo'lgan ishonch ortdi. SHu sababli o'yinimiz ancha yaxshilandi. "Paxtakor" hayotimda katta o'rin tutgan. Menga ish taklif qilishsa, klubda qolishni muhokama qilamiz.

SHunchaki yurib, maosh olishni xohlamayman. Men chinakamiga ishlashim lozim. Ter to'kadigan ishda mehnat qilishga tayyorman.

"Paxtakor" matbuot xizmati